Gaur, bilketaren azken egunean, laguntza humanitario gehiago jasotzen jarraituko da 16:00etatik 20:00etara Zelaieta pilotalekuan
AMOREBIETA-ETXANO | Elkartasuna erabatekoa izaten ari da egunotan DANAk kaltetutakoei laguntzeko gogoz dauden auzokide askorekin. Mugimendu horren bultzatzaile Aitor Apariciok atzo baieztatu zuen Alacanteraino iritsi zela laguntza humanitarioa zeraman lehen kamioia. «Amorebietako Aludium enpresa garraioaz arduratzen ari da, kasu honetan Alacanteko puntu bateraino, eta handik kudeatuko da Valentziako eremu kaltetuetara eramateko beharko lukeen laguntza, beharren arabera», azaldu du Apariciok.
Horrela, lehen egunean trailer bat bete ahal izan zen, atzo asteartean iritsi zena, eta Zornotzatik bigarren kamioi bat atera zen. Gaur, asteazkena, bilketaren azken eguna, laguntzaz betetako beste bi atera litezke. «Beste kamioi bat beteta, eskerrik asko Amorebieta, Santurtzi, Sestao, Lemoako Harrobiak, Gorliz, Getxo… Egia esan, gazteen artean harrobi solidarioa dago. Harrigarria erantzuna berriro !», aitortzen zuen Aitorrek.
Gaur, asteazkena, laguntza gehiago jasoko da Zelaieta pilotalekuko hallean, arratsaldeko lauretatik zortziak arte.
