Datorren ostegunean Berrizko Kultur Etxean iango dira lehen hitzaldiak
BERRIZ | Zientzia eta teknologia oinarrizkoak izan dira zibilizazioaren garapenean; izan ere, historiako hainbat aro gizakiak erabilitako eta garatutako materialetan oinarrituta izendatzen dira, hala nola brontze- edo burdina-aroan. Gaur egun, garrantzi horrek inoiz baino indartsuago dirau, eta etorkizuneko gizartearen erronkei neurri handi batean garapen zientifiko eta teknologiko jasangarrian oinarrituta heldu beharko zaie.
Ekintza desberdinak antolatu dira aste honetarako
Hala ere, publiko orokorrak ikerketa-taldeek egindako lana nekez hautematen dute, eta deskonexio bat dago sektore zientifikoaren eta gizartearen artean.
Gainera, garapen zientifikoaren bidaia honetan, emakumearen papera bigarren maila batean geratu da, eta gaur egun munduko ikertzaile zientifikoen % 33 baino gutxiago dira emakumeak.
Guzti horrengatik, Umerri eskola aktiboak, Berrizko udala eta Bizkaiko Foru Aldundiaren laguntzarekin Zientzia astea antolatu du Berrizen. Helburuak herritarren artean kultura zientifikoa sustatzea, gizartea ikerketa zientifikoko eta berrikuntza teknologikoko jarduerekin sentsibilizatzea, eta belaunaldi berrien erreferente izan daitezkeen emakume zientzialariak ikusaraztea dira.
Bi tailer proposatzen dira. Lehengo tailerra “Ilustrazio Zientifikoa” tailerra izango da eta ilustratzaile profesionalek eskainiko dute, bertan ilustrazioa zientifikoa praktikatuko da. Aipatu den moduan zientziak gutxi eman digu emakumeoi, baina artearen munduan ez da egon hain txarto ikusita emakumeon presentzia (gure hobby bezala). Hortaz, emakumeok, artea aitzaki zientzian sartu ginen ilustrazio zientifikoaren bitartez. Hori dela eta, tailer honek proiektuaren ardatz gisa jokatzen du. 2 orduko iraupena izango da txanda bakarra burutuko da eta aldez aurretik izena emango da aurrerantzean.
Fisikako tailerrari dagokionez esperimentuen bidez hainbat fenomeno fisiko azaltzea du helburu. Tailer honek 50 minutuko iraupena du eta 2 txanda egingo dira. Bi tailer 8 eta 14 urte arteko gaztetxoei zuzenduta daude.
Hitzaldiak
Hitzaldiak institutuko gazteei bideratuta daude bereziki, baina interesa duen edonor bertaratu daiteke. Hitzaldi eta tailerrak Berrizko Kultur etxean burutuko dira, lehen hitzaldia izan ezik, institutuan izango da. Tailerrak doakoak dira baina beharrezkoa da izena ematea, honako zenbaki honetara deituz: 639128432
