Arratsaldean bero-hodeiak ugaritu egingo dira eta zaparrada trumoitsuak bota ditzake
EGURALDIA | Asteazkenean tenperatura maximoak nabarmen jaitsiko dira. Beherakada batez ere barnealdean nabarituko da, bertan balio altuenak 31 eta 34 ºC artekoak izango dira. Hegoaldean zertxobait altuagoak izango dira eta kostaldean ez dira 30 ºC-ak gaindituko. Hodei gehiago agertuko dira, batez ere ipar partean, arratsaldean bero-hodeiak ugaritu egingo dira eta zaparrada trumoitsuak bota ditzake, bereziki barnealdean. Goizak aurrera egin ahala haizea ipar-mendebaldetik finkatuko da, lehenik kostaldean eta gero gainerakoan.
