Tenperaturak jaisten jarraituko du, batez ere hego-ekialdean
EGURALDIA | Ostegunean giroa freskoa izango da eta ostarteak gailenduz joango dira. Egunaren lehen zatian oraindik zaparrada batzuk botako ditu, bereziki Kantauri isurialde ekialdean, bertan zenbait lekutan goizaldean ekaitzak jo dezake. Arratsaldean atertuko du. Hegoaldeko leku gehienetan ateri eutsiko dio. Ostarteak agertuko dira, egunak aurrera egin ahala zabalagoak izango dira. Kostaldean ipar-mendebaldeko haizea zakar ibiliko da; barnealdean iparraldetik edo ipar-mendebaldetik joko du haizeak. Tenperaturak jaisten jarraituko du, batez ere hego-ekialdean.
