Azken asteetan intoxikazioak izan dituzten hainbat txakur jaberen kexari erantzun diote
IURRETA | Atzo hainbat txakur jabek Maspeko etxe berrien inguruan azken asteetan sei txakur inguru intoxikatu zirela ohartarazi ondoren, Iurretako Udalak kexa horri erantzun dio. Udalak izurriteak kontrolatzeko enpresa kontratatu bat duela argitu nahi izan dute. Enpresa horrek ez du arratoirik edo beste animalia batzuk kaltetu ditzakeen produktu toxikorik erabiltzen, legeak ez baitu baimentzen.
Beraz, gertatutakoa argitzeko lan egingo dutela aurreratu dute, eta “Ertzaintzaren esku jarriko gara, behar den guztian laguntzeko”.
