Interesdunek azaroaren 9tik 27ra aurkeztu ahal izango dute eskabidea
IURRETA | Iurretako Udalak martxan jarri du berriz ere udal aisialdiko baratzeen proiektua, bizilagunei lurra lantzeko eta norberaren kontsumorako frutak eta barazkiak lortzeko espazio publiko bat eskaintzeko, eta, horretaz gain, aisialdirako eta ongizaterako alternatiba bat izateko. Era berean, ingurumenarekiko errespetua eta biztanleria aktiboaren parte-hartzea sustatzen ditu proiektuak.
Aisialdiko baratzeen aurreko edizioaren arrakastaren ondoren, Udalak bost urteko lagapen-aldi berri bati ekingo dio, 2026ko urtarrilaren 1etik 2030eko abenduaren 31ra arte.
Interesdunek azaroaren 9tik 27ra aurkeztu ahal izango dute eskabidea HAZn. Herritarrentzako Arreta Zerbitzuan (Bidebarrieta, 5). Hala ere, lehentasuna izango dute aurreko bost urteetan partzelen erabiltzaile izan ez direnek (ezta familia-unitate bereko kide izan ez direnek ere).
Eskabidea formalizatzeko, honako agiri hauek aurkeztu beharko dira:
– NANaren fotokopia.
– Familia-liburuaren fotokopia.
– Osasunari buruzko erantzukizunpeko adierazpena.
– Hala badagokio, langabezia-, erretiro-, pentsio- edo desgaitasun-egoeraren egiaztagiria.
Proiektuaren funtzionamenduari dagokionez, kontuan izan behar da baratzeen lagapena bost urterako izango dela, eta erabiltzaile guztiek sei orduko ikastaro bat egin beharko dute baratzezaintza ekologikoari eta instalazioen erabilera egokiari buruz.
Bestalde, instalazioek monitore bat izango dute mantentze-lanetarako eta erabiltzaileei aholkuak emateko, eta erabiltzaile bakoitzak erabakiko du bere 75 m²-ko baratzeko labore mota. Udalak jarriko ditu erabiltzaileen eskura beharrezkoak diren tresnak eta makinak.
Proiektuari buruzko informazio gehiago nahi izanez gero, Iurretako HAZra (Bidebarrieta, 5) joan daitezke edo 94 620 12 00 telefonora deitu.
