Egunaren bigarren partean hodeiak gutxituz joango dira
EGURALDIA | Igandean giroa hotzagoa izango da eta euria egingo du, batez ere egunaren hasieran. Goizean goiz zerua estalita egongo da eta zaparradak denean egingo ditu; han-hemenka ekaitzak jo dezake eta elur-kota 1500 metrotik behera egongo da. Orduak aurrera joan ahala hegoaldean atertzera egingo du, iparraldean gauera arte ez du atertuko. Egunaren bigarren partean hodeiak gutxituz joango dira eta azken orduetan ostarteak zabalak izango dira. Iparraldeko edo ipar-mendebaldeko haizea ibiliko da, bolada gogorrekin, batez ere kostaldean eta Ebro ibarrean. Tenperatura maximoak, 8 eta 14 ºC artekoak.
