Tenperatura maximoak aurreko egunekoak baino baxuagoak izango dira, 20-23 ºC ingurukoak
EGURALDIA | Gaur tenperaturak behera egingo du eta hodeiak ugaritu egingo dira pixkanaka. Goizean ostarte zabalak irekiko dira ia lurralde osoan, eta behe-hodeien tarte batzuk agertuko dira Kantauri isurialdean, batez ere kostaldetik gertu. Arratsaldeak aurrera egin ahala hodeiak ugarituz joango dira eta lainotuta geratuko da gauean. Egunaren amaieran Kantauri isurialdeko zenbait lekutan tanta batzuk egitea ez da baztertzen. Ipar-mendebaldeko eta iparraldeko haizea nagusituko da, eta tenperatura maximoak aurreko egunekoak baino baxuagoak izango dira, 20-23 ºC ingurukoak.
