Tenperatura igotzen hasiko da eta 24-25 ºC ingurura iritsiko da
EGURALDIA | Gaur uda giroa nagusituko da, baina ez da bero zakarrik izango. Egunaren hasieran lainoa eta behe-hodei batzuk ager daitezke, baina goizak aurrera egin ahala giro eguzkitsua nagusituz joango da. Arratsaldean goi-hodei batzuk ere ikusiko ditugu, baina eguzkiari ez diote inolako trabarik egingo. Haizea ahul ibiliko da, eta arratsaldean iparraldetik finkatuko da. Tenperatura igotzen hasiko da: kostaldean 24-25 ºC ingurura iritsiko da eta barnealdean beroenak 25-30 ºC artekoak izango dira, balio altuenak Ebro ibarrean neurtuko dira.
