Udako denboraldiaren hasierarako taberna zabalik izatea du helburu Udalak
ABADIÑO | Abadiñoko Udalak ekainaren 14ra arte luzatuko du Astolako kiroldegiko taberna ustiatzeko proiektuak aurkezteko epea. Udalak maiatzean argitaratu zituen Astolako kiroldegian dagoen taberna hiru urtez ustiatzeko kontratuaren esleipena arautuko duten oinarriak. Epea ostiral honetan itxiko da, 14:00etan.
Udaletxearen helburua da udako denboraldia hasten denean kiroldegiko taberna irekita egotea, erabiltzaileek zerbitzu osoagoa izan dezaten. Era berean, maiatzean, Udalak 49.000 euro (BEZa barne) inbertitu ditu instalazioa hobetzeko, hala nola sukaldea eta argiztapena hobetzeko.
Kontratuen oinarriak
Tabernaren Esleipen Agiriak nahitaez bete beharreko zenbait alderdi jasotzen ditu, irekitzeko gutxieneko prezioei eta ordutegiei dagokienez. Horrela, bazkideek % 5-10eko deskontuak izango dituzte kontsumizioetan. Ordutegiari dagokionez, baldintza-agiriak gutxieneko ordutegi batzuk ezartzen ditu kirol-instalaziora egokitutako kalitatezko zerbitzua eskaintzeko.
Euskararen ahozko ezagutza eta udan menu edo plater konbinatuak eskaintzeko konpromisoa positiboki baloratuko dira esleipenean. Informazio guztia udalaren webgunean argitaratuta dago (kontratatzailearen profila). Plegua eta informazio guztia eskuragarri dago Euskadiko kontratazio publikoaren plataforman.
