Aste honetatik aurrera, Ebaristo Bustintza Kirikiño kalean motoentzako propio prestatutako gune bat dute
DURANGO | San Faustok aste honetatik aurrera motoentzako aparkaleku berria du, Durangoko Udalak bultzatutako lanak amaitu ondoren. Gune berria Ebaristo Bustintza Kirikiño kaleko espaloien erdiko eremuan kokatuta dago, eta dagoeneko erabilgarri dago auzoko zein udalerriko moto-gidarientzat.
Esku-hartzea Udalak antolatutako partaidetza-saioetan bertako bizilagunek egindako eskaerari erantzuteko egin da. Gune berri honi esker, motoek espaloietan eta arkupetan aparkatzea saihestu nahi da, oinezkoen eta ibilgailuen arteko bizikidetza hobetuz.
Lanek 15.080 euroko aurrekontua izan dute eta zazpi eguneko epean gauzatu dira, espazio publikoaren antolaketan eta inguruko irisgarritasunean hobekuntza nabarmena ekarriz.
Udalak ekintza honekin auzoen etengabeko hobekuntzarekin eta mugikortasun iraunkor eta funtzionalago baten aldeko konpromisoa berresten du.
