Herriko 15 saltokik produktu merketuak eskainiko dituzte merkatu plaza zaharrean, goizeko eta arratsaldeko ordutegian
ERMUA | Herriko merkatariek neguko denboraldiko Aukeren Azokari hasiera eman zioten atzo. Aurten hamabost denda merkatu plaza zaharrean egongo dira merketutako produktuak eskaintzen. Azoka bihar arte mantenduko da, goizean 10:00etatik 13:30etara eta arratsaldez 17:00etatik 20etara bitartean.
Ermuko Merkatari eta Ostalarien Elkarteak (EMOE) antolatu du azoka, eta Eusko Jaurlaritzako Merkataritza Sailaren laguntza izan du.
