Lau gai desberdin jorratuko dituzte hitzaldiek eta lehena asteazken honetan izango da Errota Kultur Etxean
ABADIÑO | Udalak, Gizarte Ongizate sailaren bitartez eta Psikologia Elkargoarekin elkarlanean, lau hitzaldi irekiko zikloa antolatu du herritarrentzat, adinekoen ongizaterako informazioa eta tresnak eskaintzeko helburuarekin.
Abadiñoko adinekoen zaintza eta bizi-kalitatea sustatzeko lanean ari da Udala. Informazioa eta prestakuntza funtsezkoak dira zahartzearen hainbat alderdiri aurre egiteko, eta, horregatik, funtsezko lau alor identifikatu dira, Udalak herritarrei laguntzeko eta babesteko.
Ziklo honek hainbat gai jorratuko ditu, hala nola, nahi gabeko bakardadea eta narriadura kognitiboa, zaintzaileen lana, sexualitatea helduaroan eta tratu txarren prebentzioa adineko pertsonetan. Psikologian adituak diren profesionalak izango dira eta Txanporta Kultur Etxean eta Errota Kultur Etxean egingo da.
Edurne Maguregi Gizarte Ongizateko zinegotziak horrelako gaiak jorratzeko espazioak eskaintzearen garrantzia azpimarratu du: “Gizarte Ongizate arlotik adinekoen zaintza eta bizi kalitatearekin dugun konpromisoa berresten dugu.
Prestakuntza eta informazio guneak eskaini gura ditugu, zahartzearen erronkei tresna eta laguntza gehiagorekin aurre egiten laguntzeko”.
Hitzaldien egitaraua
1. Zer esan nahi du zaintzaile izateak?
Data: Otsailak 19
Lekua: Errota Kultur Etxea (Traña-Matiena)
Hizlaria: Alicia Miguez (Psikologoa, gizarte langilea eta gerontologian aditua)
Hitzaldi hau zaintza rolak betetzen dituztenei zuzenduta dago, horrek dakartzan
zailtasun fisiko, psikologiko eta sozialei aurre egiteko tresnekin. Mendekotasuna duten pertsonen arretan maneiatzeko estrategiak eta elkarrekiko laguntzaren
garrantzia landuko dira.
2. Nahi gabeko bakardadea eta narriadura kognitiboa saihestea
Data: Martxoak 20
Lekua: Txanporta Kultur Etxea (Zelaieta)
Hizlaria: Iban Onandia (Psikologo klinikoa eta neuropsikologoa)
Nahi gabeko bakardadearen eta narriadura kognitiboaren arteko erlazioa aztertuko da, hori prebenitzen eta ongizatea hobetzen lagunduko duten estimulazio mental eta sozialerako estrategiekin.
3. Sexualitatea 60 urtetik aurrera: tabuak hausten
Data: Apirilak 30
Lekua: Errota Kultur Etxea (Traña-Matiena)
Hizlaria: Lola González (Sexologian eta gerontologian espezializatutako psikologoa)
Hitzaldi honek helduaroko sexualitatea landuko du, mitoak desmuntatuz eta desioaren aniztasuna eta ongizate emozionala balioetsiko dituen hezkuntza sexualaren garrantziaz hausnartuz.
4. Tratu txarrak adineko pertsonetan: arazo sozial bat
Data: Maiatzak 21
Lekua: Txanporta Kultur Etxea (Zelaieta)
Hizlaria: Ainhoa Martínez (Gerontologia psikosozialean espezializatutako psikologoa eta gizarte zerbitzuetako zentroen zuzendaritza)
Adinekoei tratu txarrak emateko moduei buruz hitz egingo da, nola antzeman, arrisku faktoreak eta prebentzio eta jarduera estrategiak
