The post ▶️ “Frankismoa: emakumeen aurkako diktadura” first appeared on DOT Durangaldea.

The post ▶️ Amoreszena maiatzaren 22tik 24ra first appeared on DOT Durangaldea.

The post ▶️Udaberriko Klasika Amorebieta-Etxanon first appeared on DOT Durangaldea.

The post ▶️Gerrako 530 haur identifikatu dituzte first appeared on DOT Durangaldea.

The post ▶️Hitzez eta Ahotsez egitasmoaren hamargarren edizioa first appeared on DOT Durangaldea.

PELOTA| Mallabian jokatutako partida maratoi batek eman dio hasiera prestigio handiko Euskal Pilota Egokituaren Zirkuituari. Euskal Autonomi Erkidegoko hiru lurraldeetan jokatuko diren Irekiei Bizkaikoak eman dio hasiera eta dagoeneko ezagutzen dira hurrengo igandean Basaurin jokatuko diren finaletan arituko diren pilotarien izenak. Nabarmentzekoa da, gainera, Basauriko final handi horietan hiru pilotari bizkaitar arituko direla; Gaizka Fernandez eta Sergio Rodriguez gurpildun aulkiko modalitatean eta Daniel Calviño adimen urritasuna dutenen artean. Fernandez eta Rodriguez aurkariak izango direnez, txapel bat behintzat, Bizkaian geratuko da.

Pilota inklusiboaren festa handi bat jokatu zen atzo Mallabian, denera 20 partida jokatu ziren eta maila bakoitzeko bi bikoterik onenek lortu zituzten finalerako txartelak. Adimen urritasuna dagokionean, Leire Esnal eta Erik Gaton arituko dira alde batetik eta Daniel Calviño-Jurdan Arakistain izango dituzte aurkari. Gurpildun aulkian arituko direnak, ordea, Sergio Rodriguez-Edorta Anda eta Gaizka Fernandez-Beñat Lizaso izango dira.

The post Euskal Pilota Egokituko Zirkuituaren finalistak erabaki dira Mallabian first appeared on DOT Durangaldea.

MAÑARIA| Hontza Museoak, Bizkaiko Natur Zientzien lehen museo ofizialak, 2025eko urtea balantze oso positiboarekin itxi du. Mañariako Zumelaga Jauregian kokatua (Ebaristo Bustintza “Kirikiño” idazlearen azken egoitza izan zena) museoak 2.217 bisitari jaso ditu urtean zehar, eta guztira 24.431 bisitara iritsi da 2014an berriro ireki zenetik.

Arduradunek adierazten duten bezala “hiri-nukleo handietatik urrun egon arren, Hontza Museoak erreferentziazko espazio gisa sendotzen jarraitzen du, herritarren babesari eta eskaintzen duen proposamen zientifiko eta dibulgatiboari esker. 2025ean, guztira 110 bisita gidatu antolatu dira, museoak duen bokazio pedagogikoa indartuz, bereziki hezkuntza-eremuan”.

Bisitarien profila askotarikoa izan da: %44a haurrak, %42 helduak, eta gainerakoa gazte eta adinekoen artean banatu da. Generoari dagokionez, emakumeen eta gizonen arteko banaketa orekatua izan da. Jatorriari erreparatuta, bisitarien %91,6 Euskal Autonomia Erkidegokoak izan dira; horien artean %76,9 Bizkaikoak, %9,6 Gipuzkoakoak eta %4,9 Arabakoak. Halaber, azpimarratzekoa da nazioarteko bisitarien presentzia.

Publikoari zuzendutako jarduerez gain, museoak jarduera zientifiko sendoa garatzen jarraitu du. Gaur egun, Hontza Museoak 50.000 ale inguru gordetzen ditu, horietatik 48.183 informatizatuta, ikerketa eta kontsulta zientifikoa errazteko. Funtsak hamar aretotan banatuta daude, eta diziplina ugari hartzen dituzte barne: botanika, mikologia, geologia, paleontologia eta zoologia. Ondare horri 3.000 ale baino gehiagoko liburutegi espezializatua gehitzen zaio.

Lankidetza-harremanak

Horrez gain, 2025ean zehar Hontza Museoak hainbat erakunde eta unibertsitaterekin dituen lankidetza-harremanak sendotzen jarraitu du, ikerketa zientifikoa eta prestakuntza sustatzeko helburuarekin. Lankidetza horien emaitza izan dira museoko funtsak oinarri hartuta garatutako ikerketa-proiektuak, gradu eta master amaierako lanak, doktoretza-ikerketak, baita ikasleen praktikaldien bidez egindako jarduerak ere. Jardun horrek museoa ikerketa eta prestakuntzarako plataforma aktibo gisa finkatzen du.

Erakusketa-jarduerari dagokionez, “Tresnak eta Natura” aldi baterako erakusketa dago ikusgai, 2026ko irailera arte, eguneroko objektuen eta elementu naturalen arteko harremana aztertzen duen proposamen berritzailearekin.

2026ari begira, Hontza Museoak bere jarduera zientifiko, pedagogiko eta dibulgatiboa indartzen jarraitzeko konpromisoa berretsi du, bisitari kopurua handituz eta museoa herritarrengana gero eta gehiago hurbilduz, bereziki hezkuntza-eremuarekin eta komunikabideekin lankidetza sendotuz.

Informazio gehiago nahi izanez gero, jar zaitez gurekin harremanetan info@hontzamuseoa.eus helbidean.

The post 2.217 bisitari jaso zituen 2025ean Mañariko Hontza Museoak first appeared on DOT Durangaldea.

ABADIÑO| Lau minigarbigune jarri dira Abadiñon herritarrek 2025eko aurrekontu parte hartzaileetan, pilak eta ohiko zaborrontzietan bota ezin daitezkeen material txikiak jasotzeko edukiontzi gehiago jartzeko eskaerari erantzunez. Denera, 15.730 euroko inbertsioa egin du Udalak.

Zehazki, udalerriko lau puntu estrategiko hauetan jarri dituzte minigarbigune horiek: Traña plazan, Trañabarren kalan, Ferialeku plazan eta Kamiñopea kalean. Horietako bakoitzean, CDak eta DVDak, tresna elektriko eta elektroniko txikiak, pilak, LED bonbillak edo kontsumo txikikoak, inprimagailuko kartutxoak eta bateria eta metagailu txikiak bota ahal izango dira.

Instalazio berri horien bitartez, birziklatze erosoagoa eta eraginkorragoa bultzatu nahi du Abadiñoko Udalak: “Garbigune espezifiko batera joan beharrean, udalerriko lau puntu estrategikotan kokatu ditugu minigarbiguneak. Era horretara, erosotasuna hobetzen da, herritarrak erraz hurbildu daitezkeelako, eta modu arduratsuan birziklatzera bultzatzen da, herritarrak kontzientziatuz”.

Abadiñoko Udalak herritar guztiak animatu nahi ditu zerbitzu berri hau erabiltzera, ingurumena babesten eta gure ingurunea zaintzen laguntzeko.

The post Abadiñok minigarbiguneak jarri ditu birziklatze erosoagoa eta eraginkorragoa izateko first appeared on DOT Durangaldea.

IURRETA| Aurreko txitxiburnduntzi eta tostada lehiaketaren ostean ekitaldi desberdinak izango dira Iurretan karnabalak ospatzeko.

Horrela, zapatu Karnabal, egun osoko egitaraua prestatu dute. 12:30ean poteo girotua izango da kaskoan. Ondoren herri bazkaria egongo da Askondoko Karpan, eta ondoren bazkalostea girotzeko musika izango da 18:00etatik aurrera, Gautxori elektrotxarangarekin.

Azkenik, otsailaren 17an, Martitzen Karnabal, haurrei zuzendutako ekitaldia izango da Zapotxin pailazoarekin Askondoko Karpan 17:00etan.

The post Poteo girotua eta herri bazkaria Iurretan karnabalak ospatzeko first appeared on DOT Durangaldea.