Zerbitzua doakoa da eta 2015 eta 2021 bitartean jaiotako haurrek izena eman ahal izango dute
DURANGO | Udal ludotekan izena emateko epea bihar, asteazkena, urtarrilak 28 arte dago zabalik. Zerbitzu hau, 2026ko otsailetik ekainera bitartekoa, doakoa da eta udalerriko familiei zuzenduta dago. Helburua haurrentzat heziketarako, jolaserako eta sozializaziorako espazio bat eskaintzea da.
Edizio berri hau 2015 eta 2021 urteen artean jaiotako adingabeei zuzenduta dago, adin eta garapen-beharrizanei egokitutako programazioa bermatuz. Txikienek ingurune seguru, aberasgarri eta egokituaz gozatu ahal izateko aukera bat da, eta, aldi berean, familia-kontziliazioa errazten da.
Ludotekako jarduerak asteburuetan egingo dira, larunbatetan 17:00etatik 20:30era eta igandeetan 17:00etatik 20:00etara. Saio hauek jolas kooperatiboa, sormena eta harreman sozialak ingurune inklusibo eta hurbilean sustatzeko diseinatuta daude.
Parte-hartzea guztiz doakoa da eta inskripzioa bi modutara egin daiteke:
- Online, informazio-kartelean dagoen QR kodea eskaneatuz.
- Aurrez aurre, Intxaurrondo Gazte eta Kultur Bilgunean (Laubide, 6 – Durango), astelehenetik ostiralera, 9: 00etatik 13:00etara. Informazio gehiagorako, intxaurrondo@durango.eus helbide elektronikoa eta 94 603 00 30 telefonoa daude.
