DURANGALDEA | Udako lehen asteek ez dute etenik emango eta larrialdi protokolo guztiak piztera behartuko dute. Euskalmetek, Euskal Meteorologia Agentziak, alerta gorria —abisu eskalako mailarik altuena— aktibatuko du astelehen honetan, hilak 22, muturreko tenperatura altuen etorreraren aurrean. Bero eskerga honek jarduera asko geldituko ditu eguneko ordu nagusietan.

Alerta gorria 12:00etatik 20:00etara egongo da indarrean. Tarte kritiko horretan, merkurioak 40 °C-ko muga gainditzea espero da kantauriar barnealdean eta Ebro ardatzean. Trantsizio eremuan ere itogarria izango da giroa (39 °C inguru) eta kostaldean ere termometroak 37 °C-raino igoko dira.

Gau tropikalak eta atsedenik ez

Arazoa ez da arratsaldera soilik mugatuko. Eusko Jaurlaritzako Segurtasun Sailak alerta laranja mantenduko du 24 orduz tenperatura altu iraunkorrengatik.

Aire masa beroak ez du utziko giroa gauean freskatzen, eta “gau tropikalak” pairatuko ditugu lurralde gehienean, gutxieneko tenperaturak ez baitira 20 °C edo 22 °C-tik behera jaitsiko.

The post Euskalmetek abisu gorria aktibatuko du astelehenerako first appeared on DOT Durangaldea.

EGURALDIA | Larunbatean eguraldiak berdintsu jarraituko du. Tenperatura gutxi igo daiteke, baina kostaldeko maximoak 30 ºC-tik beherakoak izango dira oraindik; barnealdeko altuenak 35 ºC ingurukoak izango dira berriro. Goizean giro eguzkitsua izango da nagusi, Kantauri isurialdean behe-hodei batzuekin egunaren hasieran. Arratsaldean bero-hodeiak ugaritu egingo dira eta ekaitzak jo dezake. Hego-ekialdeko haizea ibiliko da, bolada oso gogor batzuekin; kostaldean brisa ibiliko da. Arratsaldean Kantauri isurialdean eta Mediterraneo isurialdeko zenbait tokitan haizeak iparraldetik jo dezake tarteka.

The post Bero eta ekaitzak zapaturako Durangaldean first appeared on DOT Durangaldea.

EGURALDIA | Ostiralean ere egingo du beroa, baina tenperatura maximoak bizpahiru gradu baxuagoak izango dira; kostaldean izango da jaitsiera handiagoa eta hango altuenak 25 ºC ingurukoak izan daitezke, barnealdekoak 30 eta 35 ºC artekoak izango dira. Zerua tarteka hodeitsu egongo da, iparraldean behe-hodeiekin eta arratsaldetik aurrera bero-hodeiekin. Egunaren bigarren partean trumoi-ekaitzak izango dira ziurrenik. Barnealdean hego-ekialdeko haizea izango da nagusi; goizetik aurrera kostaldean ipar-mendebaldeko haizea ibiliko da.

The post Bero ostiralerako eta tarteka zerua hodeitsu egongo da first appeared on DOT Durangaldea.

EGURALDIA | Ostegunean tenperatura maximoak igoko dira berriro. Barnealdean maximoen igoera txikia izango da, kostaldean nabarmen igoko dira; altuenak 30 eta 35 ºC artekoak izango dira orokorrean, kantauri barnealdeko hainbat tokitan 35 ºC-tik gorakoak. Giroa eguzkitsu egongo da, baina zerua ez da garbi egongo; iparraldean behe-hodeiak agertuko dira, batez ere arratsaldetik aurrera, eta arratsaldean bero-hodeiak ugaritu egingo dira. Arratsalde-gau partean ekaitzak jo lezake. Hego-ekialdeko haizea indartu egingo da; arratsaldean kantauri isurialdean iparraldera aldatuko da.

The post Ostegunean tenperatura maximoak igoko dira berriro first appeared on DOT Durangaldea.

EGURALDIA | Asteazkenean bero egingo du, batez ere barnealdean. Tenperatura bizpahiru gradu altuagoa izango da eta maximoak 30 eta 35 ºC artekoak izango dira, kostaldean 30 ºC-tik beherakoak oraindik. Zerua hodei gutxirekin egongo da; goizean goiz lainoa eta behe-hodeiak agertuko dira. Arratsaldea aurrera joan ahala bero-hodeiak ugarituz joango dira eta barnealdean trumoi-ekaitzak izan daitezke. Ekialdeko haizea nagusi hasieran, arratsaldean haizea iparraldetik finkatuko da.

The post Asteazkenean bero egingo du Durangaldean first appeared on DOT Durangaldea.

EGURALDIA | Asteartean ez da aldaketa handirik espero. Zenbait lekutan tenperatura maximoak jaits daitezke, baina barnealdean giroak udako itxurarekin jarraituko du, batez ere hegoaldean. Giroa eguzkitsu egongo da; kostaldean zerua tarteka hodeitsu egongo da, behe-hodeiekin, batez ere egunaren hasieran. Arratsaldetik aurrera bero-hodeiak ugaritu egingo dira eta barnealdean zaparradaren bat bota dezake. Eguerdian haizea iparraldetik finkatu egingo da eta arratsaldean indartu egingo da, bolada gogorrekin.

The post Astearterako ez da aldaketa handirik espero first appeared on DOT Durangaldea.

EGURALDIA | Astelehenean tenperatura maximoak jaitsi egingo dira, baina udako giroarekin jarraituko dugu. Zerua tarteka lainotuta ikusiko dugu, erdi mailako hodeiekin eta goi-hodeiekin. Arratsaldean bero-hodeiak garatuko dira eta baliteke zaparrada trumoitsuak botatzea, bereziki hegoaldean. Horrez gain, egunaren amaieran behe-hodeiak sor daitezke kostaldean. Kostaldean mendebaldeko eta ipar-mendebaldeko haizea ibiliko da, eta barnealdean egunaren bigarren partean iparraldekoa izango da nagusi.

The post Astelehenean tenperatura maximoak jaitsi egingo dira first appeared on DOT Durangaldea.

EGURALDIA | Igandean berotik jarraituko du aroak. Baliteke kostaldean brisaren ondorioz maximoak koska pare bat jaistea, baina gainerako lekuetan larunbateko balioak errepika daitezke. Eguzkitsu egongo da, erdi mailako hodei eta goi-hodei batzuekin. Arratsaldean baliteke bero-hodei batzuk garatzea barnealdean eta baliteke lekuren batean zaparrada trumoitsuren bat botatzea, probabilitate handiagoarekin hegoaldean. Hegoaldeko haize ahula ibiliko da, eta eguerdian brisa altxatuko du kostaldean eta arratsaldean barnealdera zabalduko da. Iluntzean haizeak mendebal edo ipar-mendebaldera egingo du, kostaldean bolada gogor batzuekin, eta giroa freskatuko du.

The post Igandean berotik jarraituko du eguraldia first appeared on DOT Durangaldea.

EGURALDIA | Larunbatean, tenperaturak nabarmen egingo du gora. Tenperatura maximoak 30-35 ºC artean geldituko dira, eta baliorik altuenak barnealdean neurtuko dira. Eguzkitsu egongo da, goi-hodeien zertzelada batzuekin, eta baliteke zenbait momentutan zerua zurixka ikustea. Hego-ekialdeko haizea ibiliko da, bolada gogorrekin mendi inguruetan. Kostaldeko leku batzuetan brisa sartuko du eguerdi inguruan edo arratsaldean, eta beroa zertxobait arinduko du.

The post Larunbatean tenperaturak nabarmen egingo du gora first appeared on DOT Durangaldea.