• 20:00: Txopo handixe eta txikixe sartzie. Ondoren, saiheskixe jateko aukerie egongo da.

• 22:30: Antzerkixe: “Nerabetarrak?”. Ondoren, erromerixie Iraultza taldiaz.

• Amaitzeko: Berakatz sopie ta txokolatie.

Abuztuak 15 (Andra Mari egune)

• 11:00: Mezie.

• 13:00: Herriko dantzarixek. Ondoren, porra txapelketie (bakoitzak 3 txanpon ekarri).

• 18:30etan: Pelota partiduek. Ondoren, bertso-pintxo potie Unai Iturriaga, Jon Maia eta Oihana Bartra bertsolarixekin.

Abuztuak 16 (San Roke egune)

• 11:00: Mezie. Egun guztixen ziher Hektor Folk eta Gorka Valdes. Ondoren, piper jana eta igel jokue.

• 14:00: Bazkaixe bakoitza bere maletiaz. Boluetara jolasteko aukerie gero.

• 18:30: Herri kirol emanaldixe. Ondoren, Iratzar erromerixie (bertan afaltzeko aukerie egongo da).

The post Arrazolako Andra Mari eta San Rokeak ospatuko dira asteburu honetan first appeared on DOT Durangaldea.

MAÑARIA | Dena prest dago Mañarian 2026ko Andra Mari festetan murgiltzeko. Abuztuaren 14tik 16ra bitartean, herriak egitarau zabala hartuko du, zuzeneko musika, kirola, pilota, haurrendako ekintzak eta folklorea uztartuz. Aurten, festen hasierak izaera berezia izango du: Andra Mari Dantza Taldeak piztuko du txupinazoa abuztuaren 14an, ostirala, Pitxitxiri harrera egin ondoren.

Mañariako Udalak eta Festen Batzordeak omenaldi hau egin nahi izan diote taldeari, egindako 40 urteko ibilbideagatik. 1986an sortu zenetik, dantzari belaunaldi ugari igaro dira bertatik, eta herriko kultur eta festa ondarearen ezinbesteko zutabe bihurtu da.

Herri bazkaria

Pitxitxiren jaitsiera, txupinazoa eta herri bazkariaren ondoren, ostiral gauean musikak hartuko du plaza, erakargarritasun handiko kartelarekin:

• Marte Lasarte: Borja Anton eta Pello Armendarizen (Skakeitan) proiektu berria, Lore Nekane Billelabeitia (Belako) eta Alex Alonso (ETS, Gari & Maldanbera) kideekin batera.

• La Txama: Ibilbide sendoko musikariek osatutako festa-proiektua, giro alaia eta corrido tumbado doinuak uztartzen dituena.

• Xaukena Xauk: Zaldibarko taldeak emango dio amaiera lehen eguneko musika egitarauari.

Mugikortasuna errazteko, Udalak doako gaueko autobus zerbitzua jarriko du Mañaria eta Durango artean 04:00etatik 06:00etara.

Anje Duhalde agertokian

Andra Mari Eguna meza nagusiarekin, dantzariekin eta pilota partiduekin hasiko da. Binakako norgehiagokan, Aingeru Bernaola herriko pilotaria izango da ikuskizunaren erakarpen nagusietako bat.

Arratsaldean, haurrentzako puzgarriak, karabina tiraketa eta Punpairez ikuskizuna egongo dira. Gaueko izar nagusia Anje Duhalde izango da, Errobi taldearen sortzaileetako bat eta euskal rockaren aitzindaria, bost hamarkada baino gehiagoko ibilbidearekin.

Mozorro Eguna

San Roque egunak emango dio amaiera festari Mozorro Egun tradizionalarekin. Aurten, mozorroen gaia ETB3ko marrazki bizidunak izango dira. Egunean zehar paella txapelketa, musika-bingoa eta Burrunba elektrotxaranga izango dira ikusgai.

Iluntzean Pitxitxiri agur esango zaio datorren urtera arte, dantzarien parte-hartzearekin eta kopla kantatzearekin batera. Azken ukitua Altxa Porru erromeriak jarriko dio festari.

The post Andra Mari Dantza Taldeak jaurtiko du Mañariako festetako txupinazoa bere 40. urteurrenean first appeared on DOT Durangaldea.

AMOREBIETA-ETXANO | Martizen honetan Amorebieta-Etxanoko Karmen jaien 2026ko egitarau ofiziala aurkeztu da prentsaurrekoan. Aurkezpenean Koldo Bilbao Kultura eta Kirol zinegotzia da, aurtengo jaietako xehetasun guztiak ezagutzera emateko. Aurtengo pregoilariak lehenengo jai demokratikoetako kuadrilak izango dira: Akarrak, Azantz, Emaztortena, Gau Txori, Hawaianos, Soroak eta Mejicanos. Haien bidez, Udalak herriko jaien historiari eta udalerriko jaien bilakaeran parte hartu zuten belaunaldi guztiei aitortza egin nahi die.

Uztailaren 15etik 27ra bitartean, Amorebieta-Etxano berriro murgilduko da herriko jaietan, zornotzar guztiek urte osoan zehar irrika handiz itxaroten dituzten egunetan. Udalak adin eta gustu guztietarako pentsatutako egitarau zabala prestatu du, tradizioa, musika, kirola, kultura, aisialdia eta parte-hartzea uztartzen dituena.

Aurreko urteetan bezala, barraketan soinurik gabeko ordutegiak mantenduko dira, pertsona guztien inklusioa eta gozamena bermatzeko. Horrez gain, aurten ere Udalak entzumen- edo zentzumen-sentsibilitatea duten pertsonentzako zarata murrizteko kaskoak jarriko ditu herritarren eskura. Bi neurritan eskuragarri dauden kasko berrerabilgarri horiek uztailaren 1etik urrera eska daitezke Zelaieta zentroan. Neurri horiekin, Udalak jai irisgarri eta inklusiboen aldeko apustua indartzen du.

“Karmenak kolektibo eta elkarteen ahaleginari esker egiten dira posible. Eskerrik beroenak hilabete hauetan lanean aritu zareten guztioi, zuen konpromisoari esker urtero jai ireki, parte-hartzaile eta anitzak eskaintzen baitizkiegu zornotzar guztiei” – azpimarratu du Koldo Bilbao zinegotziak.

Jarduera tradizionalak 

Jaiak uztailaren 15ean hasiko dira, 20:00etan, Herriko Plazan egingo den pregoi eta txupinazoarekin. Lehenengo jai demokratikoetako kuadrilek emango diete hasiera ofiziala Karmenei, eta ondoren Zorhontzaren kalejirak herriko kaleak girotuko ditu erraldoi eta buruhandien konpartsekin, txistulariekin, gaiteroekin, Zornotzako Musika Bandarekin eta Triki Piurekin.

Egitarauak urtero bezala Karmen jaien ikur diren jarduerak bilduko ditu: Larreako Karmen Eguna, herri kirolak, marmitako lehiaketa, baserritarren eta artisauen azoka, danborradak, Aitite-Amamen Eguna, Kittu Maratoia, Zornotza Aniztasun Kalejira, Mozorro Eguna edo uztailaren 25eko su artifizialen ikuskizuna, besteak beste.

Musikak protagonismo berezia izango du beste behin ere. Zelaieta eta Zubiondo izango dira kontzertu nagusien agertokiak, eta bertatik igaroko dira Süne, Txapela Brava, Latzen, Heitxi, Eztandap, Jonkass, El Drogas, Neomak, Chenoa eta Ruper Ordorika. Horiez gain, Oxabiren erromeria, En Esenzia orkestraren emanaldia, txistularien kontzertu berezia, Zornotzako Musika Bandaren Nino Bravori eskainitako omenaldia eta bertsolari saioa ere izango dira.

Herriko kaleek ere jai giroa izango dute egunero kalejirak, fanfarreak, elektrotxarangak, karaoke ibiltariak, disko festa ibiltariak eta hainbat musika emanaldi ibiltariren bidez.

Programazioak kultur proposamen ugari ere jasotzen ditu, hala nola “Al fin y al cabo” antzezlana, Barsanti konpainiaren “Kodizia Late Night”, Haatik Dantzaren “IOI” ikuskizuna edo haur eta gazteei zuzendutako tailer eta ikuskizunak.

Kirolak ere leku nabarmena izango du egitarauan. Amorebieta IV frontoian pilota profesionaleko jaialdiak eta herriko txapelketako finalak jokatuko dira; horiez gain, Zornotzagol futbol txapelketa mistoa, Basket 3×3, bolo txapelketak, Bizikleta Eguna, VIII. Duatloi Txikia, herri kirolak, arku tiroa, modelismo nautikoa, motorren eta auto klasikoen kontzentrazioak, Agustin Zamakona Oroimenezko xake txapelketa eta Euskal Herriko artzain txakurren txapelketa ere izango dira.

Familiek eta txikienek ere aukera zabala izango dute jaiak gozatzeko. Ogenbarrenako puzgarri inklusiboak, Txitatoki Zirkus, Txiki Txef, perkusio eta batukada tailerrak, akrobazia erakustaldiak eta beste hainbat jarduera izango dira haurrentzat. Gazteei dagokienez, Txallengeko probek, ginkanek, piragua jaitsierak, playback eta karaoke lehiaketek, bazkari herrikoiek eta gaueko aisialdi eskaintzak osatuko dute egitaraua.

Aitite-Amamen Egunak ere bere lekua izango du uztailaren 25ean, adinekoei eskainitako jardunaldi berezi batekin. Bazkari herrikoiak, dantzak eta musika izango dira belaunaldi arteko topaketa eta omenaldi horren ardatzak.

“Egitarau orekatua eta askotarikoa prestatu dugu, herriko tradizioak zainduz baina, aldi berean, publiko guztientzako proposamen berriak eskainiz. Musika, kirola, kultura eta kale animazioa uztartzen dituen programa da, zornotzar guztiek jaiak euren erara bizi ahal izateko.” -adierazi du Koldo Bilbao zinegotziak.

Indarkeria matxistarik gabeko jaiak

Udalak errespetuan, berdintasunean eta bizikidetzan oinarritutako jaien aldeko konpromisoa berretsi du aurten ere. Horretarako, Puntu Moreak jarriko dira Zelaieta parkean eta Zubiondo plazan jende gehien biltzen den gauetan, informazioa, aholkularitza eta laguntza eskaintzeko. Gainera, SATEVIren 900 840 111 telefonoak 24 orduko arreta eskainiko du.

“Karmenak herri osoaren jaiak dira. Gozatu ditzagun elkarrekin, aniztasuna, berdintasuna eta bizikidetza oinarri hartuta. Zornotzar guztiak gonbidatzen ditugu jai hauetan parte hartzera eta gure herriko giro paregabeaz gozatzera.” – amaitu du Koldo Bilbao zinegotziak.

Egitarau osoa AQUÍ

The post Aurtengo Zornotzanko pregoia lehenengo jai demokratikoetako kuadrilek emango dute first appeared on DOT Durangaldea.

Hainbat herritar gerturatu dira San Fausto eta Madalena ermitetako lehen saioetara

DURANGO | Durangoko Udalak aurrera jarraitzen du ‘Babesleku klimatikoak’ proiektuan parte hartzeko prozesuan. Ekimen honen helburua da udalerriko tenperatura altuen aurrean espazio seguru eta irisgarrien sare bat sortzea.

The post ‘Babesleku Klimatikoak’ prozesuak uztailaren 6an eta 7an jarraituko du Durangon first appeared on DOT Durangaldea.

ELORRIO | Musikaire jaialdiaren edizio berri batekin Elorrio udako kultur erreferente bihurtuko da berriro ere uztailean. Kalitatezko kultur eskaintza honek diziplina ugari uztartuko ditu herritar eta bisitarien gozamenerako: musika, haur ikuskizunak, antzerkia, umorea eta dantza garaikidea.

Egitaraua:

• Uztailak 3: Jaialdiari hasiera indartsua emango zaio plazan Porrotx, Marimotots, Pupu eta Lore pailazoen “Zerua lapurtu dute” ikuskizunarekin.

• Hurrengo asteetan: Hainbat gune ezberdinetan igoko dira agertokira Sara Zozaya, Euskal Barrok Ensemble, Ruper Ordorika, Momi Maiga, Yllana & Primital Brothers, Robbin Kapsalis, Antigua Fusión con Miel y Canela, Ife Ogunjobi eta Elkano Browning Cream.

• Uztailak 19: Dantza garaikideko emanaldi berezia izango da plazan.

Eguraldi txarra bada: Kanpoko emanaldiak Arriola Antzokira lekualdatuko dira, 20:00etan.

Elorrioko Udalak herritarrak zein bisitariak gonbidatu nahi ditu uztail osoan zehar herria bizituko duen jaialdi honetaz gozatzera.

The post Musikaire 2026 jaialdiak musikaz, antzerkiaz eta dantzaz beteko du uztaila Elorrion first appeared on DOT Durangaldea.

ABADIÑO / DURANGO – Urkiolako Santutegiaren inguruak San Antonio azoka tradizionala hartuko du larunbat eta domeka honetan, tradizioa, euskal kultura eta lehen sektorea uztartuz. Edizio hau oso esanguratsua izango da, Alex Alonso apaiz durangarrak eta Josemari Bordonaba laikoak, santutegiko guardian berriek, gidatuko duten lehen jai handia izango baita.

Gune horretara iristea errazteko eta joan-etorri jasangarriak bermatzeko, doako autobus-zerbitzuak egongo dira:

• Durangotik: Landako (Magdalena) eta Urkiolako mendatea lotuko ditu, 10:00etatik 19:00etara etenik gabe, bi egunetan.

• Abadiñotik: Autobusak Zelaietatik irtengo dira (Traña-Matienan geldialdia eginez) 9:00etan, 10:00etan eta 11:00etan, eta Urkiolatik 17:00etan eta 18:00etan itzuliko dira.

Berrikuntzak eta egitaraua:

• Ekainaren 13an, zapatua: Abereen osasun-egoera dela-eta, aurten ezin izango da behi aziendarik egon. Horren ordez, zaldi aziendaren herri lehiaketa egingo da hazitarako abererik onena aukeratzeko (10:00etatik 12:00etara). Ohiko mezez gain , trikitilariak, Angel Mari Peñagarikano eta Sustrai Colina bertsolariak , ardi mozketa eta, berrikuntza gisa, lanbide tradizionalak ezagutzeko familia osoarentzako tailerrak egongo dira zuzenean (artilea, kandelak, gatzatua…).

• Ekainaren 14an, domeka (Errepetiziño eguna): Goizean azoka eta mezak egongo dira (10:00etan eta 12:00etan). Ondoren, herri kirolen erakustaldia izango da Hodei Espeleta, Malen Barrenetxea, Nerea Arruti eta Bihurri aizkolariekin; Izadi Agirre harrijasotzailearekin; Ainhoa Larrinoarekin (ingudea eta txingak) eta Karlos Aretxabaletarekin (Iparraldeko jokoak). Eguna amaitzeko, erromeria egongo da Aiko taldearekin.

The post Urkiola tradizioz, tailerrez eta doako autobusez beteko da San Antonioetan first appeared on DOT Durangaldea.

Topaketa 17:00etan izango da ostegun honetan Elkartegian, eta Saibiko Adinekoen Zentro berrirako herritarren ideiak eta proposamenak jasotzea du helburu

DURANGO | Durangoko Udalak aurrera egiten jarraitzen du Adinekoen Zentro berria diseinatzeko Partaidetza Prozesu Komunitarioan, Durangoko 2026ko Adinekoen Beharren Diagnostikoaren esparruan. Prozesu horren helburua da etorkizuneko ekipamenduaren erabilera eta funtzionamendu eredua modu parte-hartzailean definitzea. Euskaltegi zaharrean kokatuko da, Saibi eraikinean.

The post Durangok herritarren topaketa deitu du Saibiko adinekoen zentro berriari buruzko ideiak jasotzeko first appeared on DOT Durangaldea.

Ostegun honetan, Txakoli eta Itsasoa dastaketa izango da

DURANGO | Durangoko Udalak ekainerako Merkatuko jardueren programazioaren berri eman du, herritarrek tokiko gastronomiaz goza dezaten, ekoizleak eta merkatu berritua ezagut ditzaten eta ingurune hurbil eta dinamiko batean tailer eta dastaketetan parte har dezaten pentsatutako proposamenen multzoa. Programazioak dinamika berari eutsiko dio, alegia, ostegunetan 18:00etatik aurrera eta larunbat goizetan garatuko dena.

Ostegunero, tokiko zapore eta tekniketan oinarritutako jarduerak izango dira Merkatuan. Ekainaren 4an, Mikel Garaizabalek Txakoli eta Itsasoa dastaketa zuzenduko du, bertaratutakoek produktu horiek hobeto ezagutzeko aukera izan dezaten. Hurrengo astean, ekainaren 11n, Amillena jatetxeko Lur eta Vanesak tailer gastronomiko bat emango dute, sukaldaritzako teknikak eta aholkuak partekatuz. Azkenik, ekainaren 18an, Alluitz Naturak ardi latxaren artileari buruzko artisau-tailerra eskainiko du, eskualdeko artisautza tradizionala sustatuz.

Larunbat goizetan nekazaritza jasangarriarekin eta sukaldaritza osasungarriarekin lotutako jarduerak egingo dira. Ekainaren 6an, Biolandare Haztegiak baratzeetarako landare ekologikoak aurkeztuko ditu 8:30etik 12:30era, etxeko laborantza eta jasangarritasuna sustatuz. Ekainaren 20an, Mentxu Amunategik sukaldean sendabelarrei buruzko show cooking bat emango du, 10:00etatik 12:00etara, eguneroko elikaduran modu praktikoan nola txertatu erakusteko.

Gainera, ekainaren 14an, igandea, Topa Durango / Euskal Sagardoaren Festa hartuko du Merkatuak, 12:00etatik 15:00etara, eta bertako produktuak eta inguruko tradizioa ezagutzeko aukera emango du, giro ireki eta parte-hartzailean.

Udalak herritarrei Durangoko Merkatura hurbiltzeko gonbita luzatzen die, programatutako jardueretan parte hartzera eta gastronomiaren, artisautzaren eta tokiko tradizioaren aberastasuna ezagutzera.

The post Ekainean, Durangoko Merkatua tokiko gastronomiaren eta tailer jasangarrien topagune first appeared on DOT Durangaldea.

DURANGO | Durangok DURANGO AGENDA aurkeztu du, herriko kultur eta aisialdi eskaintza guztia kontsultatzeko aukera ematen duen aplikazio berritua. Durangoko Udalak tresna hori eguneratu du, kultura eta aisialdi-jarduera guztiak biltzeko eta herritarren artean zabaltzeko, herritarrek eta bisitariek Durangon egiten diren ekitaldiak erraz eta azkar ezagutu ahal izan ditzaten.

Aplikazioak hobekuntza esanguratsuak jaso ditu, diseinu bisualago eta intuitiboago batekin, eguneroko gertaerak eta programak arin kontsultatzeko aukera ematen duena. Gainera, etorkizunean eguneratzeak egitea aurreikusten da, erabiltzaileen esperientzia hobetzen jarraitzeko.

DURANGO AGENDAk hainbat ekitaldi biltzen ditu, besteak beste, Durangoko Arte eta Historia Museoaren erakusketak eta jarduerak, Landako Gunean antolatutako ekitaldiak, San Agustin Kultur Etxean programatutako ikuskizunak eta Udaleko hainbat arlok antolatutako edo babestutako beste jarduera batzuk. Aplikazioari esker, tokiko elkarteek antolatutako ekitaldiak ere sar daitezke, komunitatearen parte-hartze aktiboa sustatuz.

Funtzionalitate nagusien artean, aplikazioak kultur eskaintzaren bilaketa errazten du, eguneratutako jarduerak kontsultatzeko aukera ematen du eta erabiltzaileek herriko ekitaldi garrantzitsuenak ez galtzea ziurtatzen du. Horrela, DURANGO AGENDAk kultura eta aisialdia pertsona guztiei hurbiltzen eta herritarren parte-hartzea sustatzen laguntzen du.

‘DURANGO AGENDA’ aplikazioa doakoa da eta iOS eta Android plataformetan dago eskuragarri, publiko zabalarentzako irisgarritasuna bermatuz. Beren ekitaldiak aplikazioan agerian jarri nahi dituzten elkarteek dagokien informazioa eta argazki bat bidal dezakete agenda@durango.eus helbidera, eta beren jarduerak DURANGO AGENDAren bidez zabalduz.

“DURANGO AGENDArekin, Durangok baliabide moderno, inklusibo eta erabilerraza eskaintzen du, kultura eta aisialdiko programazio guztia espazio digital bakar batean biltzen duena, udalerriak kulturarekin eta herritarren parte-hartzearekin duen konpromisoa indartuz”, azpimarratu du Paule Sanchez Kultura zinegotziak.

The post Durangok berritutako ‘Durango agenda’ aplikazioa aurkeztu du first appeared on DOT Durangaldea.